នគរបាលខេត្តសៀមរាប ឃាត់ខ្លួនជនសង្ស័យ០៤នាក់ ពីបទរក្សាទុក ជួញដូរ ចាត់ចែង នឹងប្រើប្រាស់គ្រឿងញៀន
03-January-2020 | ដោយ ពលមនសិការ
សៀមរាប៖ កាលពីថ្ងៃពុធ ៧កើត ខែបុស្ស ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០១ ខែមករា ឆ្នាំ២០២០ វេលាម៉ោង១០នឹង៣០នាទី កម្លាំងការិយាល័យប្រឆាំងគ្រឿងញៀន សហការជាមួយកម្លាំងអធិការស្រុកបន្ទាយស្រី បង្ក្រាប ពីបទរក្សាទុក ជួញដូរ ចាត់ចែង នឹងប្រើប្រាស់ដោយខុសច្បាប់នូវសារធាតុញៀន នៅចំណុចលើដងផ្លូវភូមិព្រះដាក់ ឃុំព្រះដាក់ នឹងភូមិស្រះខ្វាវ ឃុំត្បែង នៅលំនៅដ្ឋានភូមិស្រះខ្វាវ ឃុំត្បែង នឹងភូមិត្បែងលិច ឃុំត្បែង ស្រុក បន្ទាយស្រី ខេត្តសៀមរាប បានឃាត់ខ្លួនជនសង្ស័យចំនួន ០៤នាក់។
ក្នុងប្រតិបត្តិការនេះសមត្ថកិច្ចបានដកហូតវត្ថុតាង៖ម្សៅមេតំហ្វេតាមីនចំនួន០១កញ្ចប់ ស្មើនឹងទម្ងន់១.៦ក្រាមទាំងសំបក,ទូរស័ព្ទដៃចំនួន០៤គ្រឿង,សម្ភារវេចខ្ចប់និងឧបករណ៍ប្រើប្រាស់គ្រឿងញៀន។
បច្ចុប្បន្នជនសង្ស័យទាំងបួននាក់ ត្រូវបានសមត្ថកិច្ច ឃាត់ខ្លួន និងកំពុងកសាងសំណុំរឿងបញ្ជូនទៅសាលាដំបូងខេត្តដើម្បីអនុវត្តតាមនីតិវិធីបន្ត ៕
ចំនួនអ្នកទស្សនា
- ថ្ងៃនេះ11691
- ម្សិលមិញ15681
- សប្តាហ៍នេះ70531
- ខែនេះ92411
- ឆ្នាំនេះ92411
- សរុប20534867